Тукаевский муниципальный район

Ак калфаклар .Рәзинә Сәетгәрәева сүзләре

21 марта 2018 г., среда

Ил күгендә кояш балкый, йолдыз яна,

Табыналар мөселманнар ярым айга.

Нурын чәчә тулган айдай асыл затлар –

Каш өстендә сәйлән чиккән ак калфаклар.

Диңгезләр киң, диңгез ярсу, диңгез тирән,

Кичү белгән батырларга диңгез тездән.

Аларга көч биреп тора изге җаннар –

Саф бәгырьле, пакъ күңелле ак калфаклар.

Сабыр канатлары ныклы, хыял зурдан.

Атлый алар, туры юлдан, изге юлдан.

Маяк булып юл күрсәтә киләчәккә–

Төсен җуймас ак калфаклар, ак калфаклар!