Татарстанда аномаль эссе һава саклана

Татарстан синоптиклары фаразларына караганда, иртәгә республика буенча 33 градуска кадәр аномаль эссе булачак һәм урманнарда янгын чыгу куркынычы зур. Моннан тыш, төнлә һәм көндез Татарстан буенча яшен һәм 15-20 м/с тизлектә җил булуы көтелә.
“Уртача температура 9 градуска кадәр югары аномаль эссе һава шартлары антициклон йогынтысы белән бәйле, шулай ук республика - төньяк-көнбатыш циклонның җылы секторында”, - дип сөйләде ТР Гидрометеорология һәм әйләнә-тирә мохитне күзәтү идарәсенең метеорологик фаразлар бүлеге башлыгы Ирина Трущина белдерде.
Аның сүзләренә караганда, мондый эсселек 2 июньгә кадәр саклана. 29 майда Татарстан буенча кыска вакытлы яшенле яңгыр көтелә. Төнлә 13-18 градус җылы. Көндез 33 градуска кадәр җылытачак. ТР ның барлык районнарында да охшаш һава торышы саклана.
Иртәгә Казанда явым-төшем көтелми. Төнлә 15-18 градус җылы булса, көндез температура 30-32 градус тәшкил итә.
30 майда төнлә Татарстан буенча явым-төшем көтелми. Төнлә 14-19 градус җылы булачак.